વડોદરા શહેર ખાતે આવેલ ગીતા મંદિર સ્કુલ માં “ગીતાજયંતી મહોત્સવ” કાર્યક્રમ રાખવામાં આવ્યો હતો.
“ગીતા સંસ્કૃત પ્રચાર સમિતિ” દ્વારા “ગીતાજ્યંતી મહોત્સવ-2025” રાખવામાં આવ્યો હતો.
ગીતાજયંતી મહોત્સવમાં બાળકોએ ગીતાના જ્ઞાનનું પ્રદર્શન કર્યું.
વડોદરા શહેરની ગીતામંદિર સ્કૂલ ખાતે ગીતા સંસ્કૃત પ્રચાર સમિતિ દ્વારા ગીતાજયંતી મહોત્સવ-2025નું ભવ્ય આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય બાળકોમાં શ્રીમદ્ ભગવદ્ ગીતાની સંસ્કૃતિ અને તેના સંદેશનો પ્રચાર કરવાનો હતો.
આ મહોત્સવમાં શહેરની વિવિધ શાળાઓના વિદ્યાર્થીઓએ ઉત્સાહભેર ભાગ લીધો હતો. વિદ્યાર્થીઓએ ગીતાના શ્લોકોનું પઠન, વક્તૃત્વ સ્પર્ધા, અને સાંસ્કૃતિક કાર્યક્રમો દ્વારા ગીતાના ઉપદેશોને રજૂ કર્યા હતા. આ કાર્યક્રમનો હેતુ માત્ર સ્પર્ધા પૂરતો મર્યાદિત ન રહેતા, બાળકોને ગીતાના જીવનલક્ષી જ્ઞાનથી પરિચિત કરાવવાનો હતો.
આ પ્રસંગે ગીતા સંસ્કૃત પ્રચાર સમિતિના સભ્યોએ જણાવ્યું કે, “આજના ટેકનોલોજીના યુગમાં બાળકોને આપણા પ્રાચીન ગ્રંથો અને સંસ્કૃતિ સાથે જોડવા અત્યંત જરૂરી છે. ભગવદ્ ગીતા માત્ર એક ધાર્મિક ગ્રંથ નથી, પરંતુ તે જીવન જીવવાની કળા અને ધર્મ-અધર્મ વચ્ચેનો ભેદ સમજાવે છે.”
આ કાર્યક્રમમાં ભાગ લેનાર વિદ્યાર્થીઓએ જણાવ્યું કે, આ મહોત્સવ થકી તેમને ગીતાના સારને સમજવાની તક મળી અને તેમના જીવનમાં સકારાત્મક પરિવર્તન આવશે. આ આયોજનને કારણે બાળકોમાં ગીતા પ્રત્યે રુચિ અને જ્ઞાનનો સંચાર થયો, જે ખરેખર પ્રશંસનીય છે.
